الجمعة، 27 سبتمبر، 2013

حكاية سُليمان الغلبان




كان ياما كان فى زمن من الأزمان
فى حضن شوارع مصر أحلى الأوطان
ولد صغير غلبان اسمه سُليمان

و شاءت الأقدار إن سُليمان يكون من الأيتام
بدون ماما و بابا و يعيش فى الشارع مع غيره من الصبيان
تحت كوبرى عربيات و جابوا  كام خشبة عملوا بيها بيبان

سُليمان ..
كان يصحى الصبح يقول يـارب أرزقنى بناس جدعان
و أكون ليهم ابن و أعيش فى لمّة و سعادة و حنان

وفى وقت من الأوقات حس سُليمان إنه جعان
مفيش أكل هنا  النهاردة و مفيش مياة كمان
ولا حتى معاة فلوس يجيب فول و بتنجان

قام سُليمان خرج يمشى فى الشوارع سرحان
لابس جلباب مقطع و ريحتة كريهة  و لون وشة بهتان

لقى مكان مليان قمامة كتيير جداً فأقعد يفكر ..
لو كلت منها همرض و أموت و لو مكلتش برضو هموت
طب أروح للراجل بتاع عربية الفول و أسرق سندوتشات

لا أنا مش هسرق عشان ربنا هيزعل منى لان السرقة حرام
و مش هاكل من القمامة عشان أنا مش حيوان و كمان مبقاش عيان

اومال هتعمل إية يا سُليمان ؟

قام قال : أنا هقعد هنا أدعى ربنا
وفضل قاعد جنب القمامة وسط القطط و الكلاب و الذباب

وفجأة ظهر مجموعة  كبيرة من الصبيان
كانوا رايحين عند صاحبهم عثمان

وهما ماشيين سمعوا صوت بكا عالى
فقرر واحد منهم يشوف مين الباكى ؟

قام الولد حسان شاف سُليمان
فنادى على أصحابة الصبيان

و سأل حسان سُليمان : مالك بتبكى لية و لية قاعد هنا ؟
و لما جه بقية أصحابة قعدوا يضحكوا على سُليمان و يسخروا منه
و يقولوا بضحك : شوفوا هو مُتسخ إزاى و مش نضيف و شكله شحات
و قرر الاولاد يسيبوة مكانه بعد ما فضلوا يسخروا منه

بكى بحُرقة وقتها و قال لـ حسان الطيب :  " أنا ولد غلبان , أنا مش شحات , أنا بس جعان "

قام الولد الطيب حسان قاله : أنا هساعدك بس أستنانى هنا

وراح حسان عند عثمان يخبط ع الباب
فتحت والدته عثمان فحكى ليها حكاية سُليمان و سألها : أساعدة إزاى ؟

قامت والده عثمان قالتله خلينى أفكر هنتصرف إزاى ؟

وبعدها ندهت لأبنها عثمان و سألته : خلصت كل فطارك يا عثمان ؟
قال عثمان : خلصت يا ماما لكن فى سندوتشات مقدرتش أخلصها , أنا خلا شعبت الحمد لله

قامت قالتلة : لف السندوتشات الباقية فى ورقة نضيفة و هاتها

و قالت لـ حسان : بتلبس كل الهدوم اللى عندك فى الدولاب و لا فى حاجات زيادة مش عاوزها ؟

قال حسان : لا فى قمصان و حذاء مش محتاجها

فسألها الأولاد : حضرتك لية بتسألينا ؟
قالت الأم : عشان يا ولاد لما يكون فى حاجة مش محتاجنها مينفععش إننا نرميها أو نركنها و خلاص
مش يمكن فى ناس محتاجة ليها أكتر مننا و ناس تستحق مننا نساعدها بيها .. و ربنا أمرنا بالإحسان

قال حسان : يعنى قصدك نجمع حاجتنا و نساعد بيها سُليمان الغلبان ؟

قالت الأم : بالظبط كدة يا أولاد , عارفين ربنا هيفرح بينا جداً و يرزقنا و ناخد حسنات

فرح الأولاد جداً و أتمنوا من جواهم إن ربنا يفرح بيهم و يبعتلهم هدايا و يكتبلهم حسنات

قام حسان جرى ع البيت بسرعة يحضر حاجتة فى فى شنطة نضيفة جميلة ,
و كمان عثمان لف السندوتشات و طلع شوية ألعاب مبقاش محتاجها

و طلبت الأم منهم يجيبوا سُليمان البيت هنا .. و فعلا راحوا جابوة لحد عندها

لما شافت الأم سُليمان ألقت عليه التحية و السلام و قالت : " السلام عليكم يا سليمان , إزيك يا أحلى من كل الصبيان ؟ "

أستغرب سليمان إنه رغم شكله السيء المليان تراب إنها تشوفة جميل وفى نفس الوقت فرح جداً

وقالها : الحمد لله على كل حال

قامت قالت للأولاد : ساعدوا سُليمان ينضف نفسة و يبقى جميل و بعدها هادوة بالأشياء

سُليمان قال فى نفسه : شكراً ليك يا الله , أنا دعيت و أنتَ أستجبت الدعاء , و رزقتنى بناس طيبين و أصحاب

وكان سُليمان مُهذب جداً فى التعامل معاهم و بيتكلم بأسلوب محترم و بصوت منخفض

فسألة عثمان : أنتَ إزاى مؤدب كدة رغم إنك عايش فى الشارع مع الوحشين

فردت وقتها الأم وقالت : عيب يا عثمان , الإنسان الغلبان مش سىء و مش كل إنسان بيعيش مع الوحشين بيبقى زيهم ,
لأن كل أنسان بيختار إذا كان يبقى طيب أو شرير ,  و بيختار يكون مؤدب و لا عنيف , بيختار يكون ناجح و لا فاشل
و اللى بيختار الخير و النجاح و الأدب ربنا بيساعدة , ولو معندهوش أهل و فقدهم ربنا بيربية و يحمية عشان ربنا رحمن و كبير ,


و خرجت أم عثمان للصبيان فى الشارع اللى كانوا بيسخروا من سُليمان و عرفتهم إنه عيب يسخروا من إنسان مهما كان و إنه ضرورى نساعد كل محتاج و لو مش قادرين نساعدة يبقى نسأل حد يقدر زى أهلنا أو الجيران ,

و قررت أم عثمان يومها إنها تدخل سُليمان دار أيتام عند ناس طيبين و إنها كل فترة تزورة مع ابنها تطمئن عليه
و كانت تاخده فى الأعياد يخرج يلعب مع عثمان و حسان و أصحابهم ,

و أصبح سُليمان طفل سعيد مش غلبان
بل بالعكس برزق ربنا فرحان

: ))
..

نورهان محمود

نهايات سبتمبر 2013

هناك 8 تعليقات:

  1. تتشرف شركة المثالي جروب للنظافة الشاملة بالمنطقة الشرقية بتقدم شركة تنظيف منازل بالخبر والتي تقدم افضل خدمات تنظيف المنازل والشقق والفلل والمجالس والكنب والسجاد والموكيت بالاعتماد عليافضل الامكانيات الحديثة والعمالة الماهرة وخبرة عشرات السنوات بمجالات التنظيف لجميع اركان المنزل وكل مع يحيط به فمع شركة تنظيف بالخبر تستطيعون الحصول علي افضل جودة ممكنة لتنظيف المنازل بارخص الاسعار المثالية

    شركة تنظيف منازل بالخبر
    شركة تنظيف بالخبر

    ردحذف
  2. عميلنا العزيز هل تبحثون عن افضل شركة تنظيف تكون متخصصة في كافة اعمال التنظيف وتقدمها بجودة ودقة عالية وباسعار رخيصة الحل مع شركة المثالية للتنظيف بالمنطقة الشرقية والقادرة علي تقديم كافة اعمال النظافة الشاملة للمنزل وجميع اركانة بالاعتماد علي كافة الاساليب الحديثة والعمالة الماهرة المدربة علي اعلي مستوا فمع شركة المثالية للتنظيف تستطيعون الحصو علي افضل الخدمات المثالية للتنظيف بجميع مدن المنطقة الشرقية

    شركة المثالية للتنظيف
    شركة تنظيف منازل بالدمام
    شركة تنظيف بالدمام
    شركة المثالية للتنظيف بالدمام
    شركة المثالية للتنظيف بالخبر
    شركة المثالية للتنظيف بالجبيل
    شركة المثالية للتنظيف بالاحساء
    شركة المثالية للتنظيف بالقطيف

    ردحذف