الأربعاء، 27 يونيو 2012

الحب فى الزمن دة ..






والله دة زمن عجيب

الحب فية اصبح مريب

يبدأ بسراب ينتهى بعذاب



البداية:



رنات ورسايل عشق وحب

اشعار وشجرة مرسوم عليها قلب

وجواب ووردة حمرة فى الكتاب

ووعود للابد هنبقى أحباب

وخروجة سينما فقط للشباب

ومشوار صغير لعمارة من غير بواب

وشقة إيجار جديد للشباب

كاسين خمرة وأكلة كباب

وعشان البرودة هيقفلوا الباب

أحضان وقبلات من غير أسباب

ما الحب مولع وبلاش عتاب

والله ياجماعة نيتكم وحشة..

دول بقوا اجباب مش اصحاب

والحكاية مش محتاجة استغراب

ما اصلهم هتجوزوا يعنى مش أغراب

أول ما الشاب هجهز هكتبوا الكتاب



والنهاية:



البنت هبلة وياعينى بتحب

وقالت اسلم لحبيب القلب

أكيد هيتجوزنى ما هو زى بيحب

ووعود بالجواز ونصب

خداع ووداع وكذب

الشاب يهرب ويسيب جواب

يقول فية:خلينا أحسن أصحاب

ومن هنا تبدأ رحلة العذاب

البنت شرفها اتبخر فى السحاب

واهلها يدفنوا راسهم فى التراب

وتكتشف إن كل  شىء وهم وسراب

والدنيا سودة مليانة ضباب

البنت فريسة والشباب ذئاب

ماهو زى ماقولت الحب:

يبدأ بسراب وينتهى بعذاب

والله دة زمن عجيب

الحب فية أصبح مريب

ياسااااتر يا أعوذ بالله

الحب فى الزمن دة بقى خراب

خداع ووهم وسراب!



بقلم: نورهان محمود

هناك 3 تعليقات:

  1. نورهان بجد انتى من الاقلام اللى بتعبها بستمرار ودائما من رائع لاروع
    تحياتي

    ردحذف
    الردود
    1. شكراً شريف بتمنى دة يسعدنى جداًدُمت مُتابع :)

      حذف
  2. و هذه هي الحكاية باختصار !!
    ..دوما أفكارك ذكية و جميلة نورهان و الأجمل هو تمكنك من التعبير عنها بالاسلوب الذي تريدينه..تحياتي.

    ردحذف